News DetailsMORE NEWS

Ilocano news: Lokal a gobierno ditoy Rehion1 makisalip para ti GPL nasional awardNovember 20, 2012

 

By Esteleta M. Rafanan

PIA News

 

SIUDAD TI SAN FERNANDO, La Union, Nob. 20 (PIA) – Makisalip dagiti tallo a lokal a gobierno a napadayawan kas Regional Champions para ti Gawad Pamana ng Lahi National Award a maangay iti daytoy a bulan. Isuda ti mangibagi iti Rehion 1 iti datoy a salip para ti nasional a salip. 

Kinuna ni DILG Region 1 Director Corazon P. Guray, napili dagiti nadakamat a lokal a gobierno gapu iti naisangsangayan a naaramidanda kas maibatay iti ‘Local Governance Performance Management System (LGPMS) a nakasentro iti Administrative, Social, Economic, and Environmental Governance and Valuing Fundamentals of Goods Governance and 2012 Seal of Good Housekeeping-Silver Level’. 
Naragpatda iti daytoy a pammadayaw babaen ti nasayaat, naurnos ken natibker a panangmanehar ti panagprogreso ti ili a masakupanda. Napadayawan ti siudad ti Vigan kas regional champion iti kategorya ti siudad; Pangasinan ti kategorya ti probinsial; ken San Nicolas, Ilocos Norte kas nangabak ti kategorya ti munisipalidad. 

Dagiti dadduma a nangabak ti umuna a puesto ket nagun-od ti Ilocos Norte ken La Union iti maikaddua a puesto para ti kategorya iti probinsia. 

Para ti kategoria iti siudad, napadayawan ti Laoag City para iti umuna a puesto a sinaruno ti San Fernando City a maikaddua a puesto para ti kategoria iti siudad. Napadayawan met ti Tagudin, Ilocos Sur para iti umuna a puesto ken Agoo, La Union iti maikaddua a puesto para ti kategoria iti munisipio. 

Iti GPL ket inangay ti DILG, kadduada dagiti nadumaduma a ‘stakeholders’ tapno maipakaammoda dagiti naisangsangayan a naaramidanda ken kontribusyonda para ti idurduras ti lokal a gobierno a masakupanda. (EMR/PIA La Union) 

Comments








*



(Maximum characters: 100)
You have characters left.