News DetailsMORE NEWS

Cebuano news: Camiguin gisugdan ang pagpatukod sa sanitary landfillOctober 30, 2012

 

By Jorie C. Valcorza
PIA News
 

MAMBAJAO, Camiguin, Okt 30 (PIA) -- Gisukdan na ang konstraksyon sa usa aka sanitary landfill dinhi sa probinsya human magkahiusa ang matag munisipyo aron pagtukod ug usa aka pasilidad nga mo proseso sa basura alang sa tibuok probinsya. 

Ang proyekto gitawag nga Camiguin Solid Waste Sanitary Landfill Management and Research Development Plan (CS2MRDP) Alliance/Cluster. 

Matud pa, kini nagtinugha sa pagpasikad sa usa aka maayo nga systema sa pag-alima sa mga basura ingon man ang pagpahigayon sa mga pagtuki aron mapahimuslan pa kini. 

Si Felicisimo M. Gomez ang opisyal sa provincial planning and development office (PPDO) dinhi sa Camiguin misugilon nga ang nasangpit nga kasabutan nagtinguha pag-plastar sa systema solid waste management (SWM) hangtud sa pinakaubos nga pangagamhanan local, ingon man sa pagdebelop sa ilang capasidad pagpadagan niini. 

Ang kasabutan nagmando sa pagorganiza sa us aka working protocol alang sa SWM nga Board, technical working group ingon man ang pag-gama sa plano sa SWM. 

Ang proyekto hasunod sa balaod nga Ecological Solid Waste Management Act kon RA 9003 nga nagmando sa pagpasira sa tanang open dumping ug pag-konbertir niini ngadto sa us aka controlled dumpsite sulod lamang sa lima katuig hangtod matukod na ang usa ka sanitary landfill. 

Ang CS2MRDP gipangunahan pag-implementar sa pangagamahanan sa probinsya, parte sa pundo niini nakuha gikan sa Department of Interior and Local Government nga Performance Challenge Fund (PCF) nga balor P7 milyones ug sa dugang Local Government Support Fund (LGSF) nga P5 milyones, human makab-ot sa probinsya ang Seal of Good Housekeeping (SGH) award. (JCV-PIA 10) 

Comments








*



(Maximum characters: 100)
You have characters left.